Лицата вработени во општините имаат работна задача да изработат правилна, точна, навремена тендерска документација за набавка на услуга за превентивна дезинсекција за заштита на населението од вектор преносливи болести како една од општите мерки за спречување и ставање под контрола на заразните болести (Регулирано со Закон за здравствена заштита на населението од заразни болести Сл.весник
на Р.М бр.66/04, 139/08 и 99/09). Со следење на тендерските постапки забележуваме помали или поголеми пропусти од страна на локалните заедници, а тоа има негативна имликација и врз векторите и врз животната средина и од таму произлегува нашата цел да им дадеме насоки како правилно да ја изведат дезинсекцијата, да ги едуцираме во изборот на биоцидите за да се намали влијанието врз животната средина, а со тоа и да имаат подобри резултати по третманите.

Да им дадеме насоки како да ги следат листите на регистрирани одобрени пестициди кои ги објавува Европската комисија и истите ги ажурира. Да се одберат биоциди кои имаат најмала импликација врз животната средина, биодиверзитетот и здравјето на населението. Во изборот да дава предност секогаш на биолошките препарати, како општина да придонесат да се намалат живеалиштата на комарците, крлежите и да спроведуваат кампања за подигнување на еко-свест кај населението. Да ги запознаеме како соседните земји и пошироко земјите од ЕУ ги реализираат истите, кои методи се користат кај нив, кои се иновативни методи. Секогаш да ги следат препораките од Европскиот центар за превенција и контрола на болести (ECDC) и Светската здравствена организација (СЗО). Да бидеме во чекор со европските земји и пошироко.