Република Северна Македонија со глобалното затоплување и климатските промени, со својата географска положба, умерената клима, урбанизација, демографска структура, социо-економска положба, трговија се соочува со опасноста на евентуална појава на тропски и субтропски болести (вирусот на западен Нил-WNV), Denga, Chikungunya, Источно коњски енцефалитис, жолта треска, вирусот ,,Cache Velley “(CVV), ,,La Crosse” Encephalitis (LACV), Жолта Треска (Yellow fever) и др.,како и појава на болести кои се веќе ерадицирани во Република Северна Македонија ( Маларија), а кои се пренесуваат преку вектори (комарци). Се до 1973 год. Македонија била позната како хиперендемско подрачје за маларија.Во 1946 год. Во Р.Северна Македонија бројот на заболени бил околу 600.000 лица (повеќе од половина население). Движењето на маларијата во Скопје, освен варирањето од година во година покажувало и поголеми бранови на разгорување на епидемиите, со кулминација особено во 1937, 1939, 1942, 1944 и 1946, при што бројот на заболени во назначените години се движел околу 10-11.000 заболени лица или околу 20% од вкупниот број на население во тој период.Во текот на 2011, 2012, 2019, 2022 год., на територија на РС Македонија регистрирани и лабораториски потврдени се неколку случаеви на Западно Нилска треска. Ентомолошки испитувања биле извршени во Македонија, а во согласност со критериумите како што ги предвидела Светската здравствена организација(СЗО), во периодот 1960-1971год. Анализите од мониторингот на комарците од 2010год.во РС.Македонија, покажаа дека се јавуваат 51 вид на комарци од фамилијата Culicidae.

Во 2014г. докажан е нов вид (Coqillettidia buxtoni). Во 2016 г. се направени ентомолошки истражувања во јужниот и југоисточниот регион на Македонија со кои се докажа присуство на Азиски тигрест комарец (Aedes albopictus). Веќе во 2017 г.тој е раширен во Дојран, Скопје (централно градско подрачје, Ќерамидница).Со ова докажување сега квалитативниот состав на комарците во РС Македонија се зголемува за уште два вида. Во 2019г., при извршениот мониторинг на територија на Град Скопје се забележа значително проширување на инвазивниот вид Aedes albopictus.

Ваквите промени во видовиот состав на комарците се докажуваат со континуирано нивно мониторирање. Кога имаме резултати од научни истражувања тогаш се пристапува кон организирање на план и методи за нивно сузбивање. Тие не може целосно да се уништат, треба само да се намали нивната бројност до праг на толеранција. За да имаме успех потребно е организираме размена на добри практики со партнерите, да потикнеме и насочиме кон еколошко размислување и масовна едукација на населението, лицата вработени во локалната самоуправа, иницирање на донесување Национален План за контрола на вектори и вектор преносливи заболувања од страна на Централната Власт. Да се настојува нивно следење преку електронски уреди, инсталиран GPRS. Сето ова е планирано да се реализира со нашиот проект.

Целите на нашиот проект е да се унапреди контролата на комарците.